夫婦之間應互相支持和分擔，不過一名準媽媽發文訴苦，指自己收入較丈夫高，一直以來是家庭經濟支柱，然而最近懷孕請假卻被公司解僱，丈夫未有安慰反而出言埋怨，更對妻子稱：「你一定唔可以唔返，你唔返我哋點交租食飯！」事主慨嘆婚後始漸漸認清丈夫為人，明言對這段婚姻感到後悔，希望在生B後離婚。
同場加映：
管家王丨雪櫃常結霜或不夠凍？拆解3大奇難雜症 教3大慳電秘技
重男輕女︳丈夫重男輕女妻子連生4女被提離婚，第5胎終誕子：不知能否留住丈夫，詳情即睇：【下一頁】
該名約30歲女網民早前在「香港討論區」中發帖，表示自己跟年齡相若的丈夫交往同居時，月薪已高過對方，其月入4萬元，丈夫則月入2萬元，每月會給她1萬元，其餘1萬元留作吃飯、乘車和「零用錢」。至於每月日常使費，包括每月1.8萬元租金、水電煤、電話費、買餸、外賣、供保險和雙方父母共8,000元家用，全由女事主負責，因此她形容「每個月一蚊都冇剩」。
她指丈夫一向無儲蓄習慣，當年結婚約10多萬元開支均由她負責，丈夫無付禮金，二人在外國買樓收租也是她獨自支付首期，「搬屋、租樓、畀按金、買傢俬又係我出，佢一蚊都冇出過，佢仲成日叫我同香港銀行借錢畀第2層首期。我個心其實都有啲唔服，因為我老公覺得我有啲錢，所以我出係完全冇問題，但我覺得男人係咪應該有啲責任感」。
欲留家安胎惹丈夫不滿
事主稱與丈夫一直計劃生兒育女，並已嘗試近一年，直至最近剛轉新工便發現懷孕6周，每天都嘔吐5至6次，而且全日都有反胃感覺。她曾暗示自己感到辛苦、想留在家中安胎，未料丈夫卻斷言拒絕，
「佢答我『你一定唔可以唔返，你唔返我哋點交租食飯』，咁其實我都知道我唔可能（唔）返，不過佢完全冇考慮我感受，令我好失望。」
懷孕請病假遭公司解僱
事主在懷孕10周時通知公司老闆，亦因嚴重嘔吐請了1日病假，未料遭公司解僱，但因未過試用期故不算犯法。丈夫得知後未有安慰，反而抱怨她因請病假失去工作，令她感心酸不已，
「我個心真係好唔舒服，佢而家似當我係搵錢機器人咁，我係人都會唔舒服。佢完全冇諗過自己點樣為個家負責，我嘔得咁辛苦，仲叫我唔好請假保住份工，真係心都涼埋，一味靠我，希望我十項全能。」
事主又稱，自從懷孕後體重增加，丈夫卻著她去跑步「唔好一直肥落去」，又叫她生育後去做隆胸和抽脂，要求她保持好身材。她表示婚前不覺得丈夫是如此自私，直至她獨自負責婚禮、租樓、傢俬、首期等就開始覺得「有啲唔妥」，甚至明言結婚初期已感到後悔。
由於丈夫認為男女平等，覺得妻子月薪較高應付出更多，事主起初覺得無所謂，但丈夫開始覺得理所當然，也無打算為家庭負責任，直斥丈夫絕對是「食軟飯」。二人雖曾嘗試溝通，但丈夫完全不覺得自己有問題，「所有事件加埋，我可以話已經死心，唔期望佢會對屋企負咩責任。畀我再揀一次，我一定唔會揀一個需要我做經濟支柱嘅男人」。
盼誕B後離婚
事主直言遭公司解僱，加上丈夫現時失業，令她大失預算，只能減少家用、節省膳食費和搬屋。目前她已找到一份新工，並向公司說明懷孕狀況，但經常要加班，每天工作10至11小時。她嘆道不知能否過試用期，只能見步行步，但明言生育後會跟丈夫離婚，
「生出嚟我條路應該會難行，但始終係一個生命，所以我應該會生，只係有咗先睇得清清楚楚個老公，感覺個BB好無辜，可能好細就喺單親家庭長大，不過就算離婚，都要等到我生完同搵到份穩定工作先。」
網民：多啲為自己打算
不少網民看到帖文後，直斥事主丈夫「食軟飯」、當她是工具人，指二人未生育已有意見分歧，建議她跟對方好好溝通，並留言為她打氣，亦有網民著她直接離婚，以免被丈夫拖累一輩子。
↓ 點 擊 圖 片 放 大 ↓
- {{hket:inline-image name="Wh2e.jpeg"}}{{/hket:inline-image}}
- {{hket:inline-image name="WhatsAgb.jpeg"}}{{/hket:inline-image}}
- {{hket:inline-image name="Whafb.jpeg"}}{{/hket:inline-image}}
- {{hket:inline-image name="Whats23r.jpeg"}}{{/hket:inline-image}}
- {{hket:inline-image name="WhatsAwef.jpeg"}}{{/hket:inline-image}}
- {{hket:inline-image name="W2ef.jpeg"}}{{/hket:inline-image}}
- {{hket:inline-image name="Whb.jpeg"}}{{/hket:inline-image}}
- {{hket:inline-image name="WhatsAdf.jpeg"}}{{/hket:inline-image}}
- {{hket:inline-image name="W2e.jpeg"}}{{/hket:inline-image}}
- {{hket:inline-image name="Whatfd.jpeg"}}{{/hket:inline-image}}
- {{hket:inline-image name="WhatsAfbd.jpeg"}}{{/hket:inline-image}}
婚姻關係 ︳港男結婚3年忍足3年狂數5宗罪，嘈交失控掌摑老婆感後悔，詳情即睇：【下一頁】
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】
每朝索取《晴報》：精明生活．健康家庭．開心娛樂